හිටිගමන් වැලඳෙන යම් යම් රෝග සඳහා අත් බෙහෙත්

හිටිගමන් වැලඳෙන යම් යම් රෝග සඳහා අත් බෙහෙත් කිහිපයක් ඉදිරිපත් කරන්නම්.
මේ අත් බෙහෙත් ආයුර්වේද වෙදදුරු ඩබ්.ඒ.ඩී.හැන්‍රි නම් මහතා රචනා කල 

පුරාණ වෙද අත්පොත නම් කෘතියේ සඳහන් ලිපියකින් උපුටා ගත්තකි.

දෙබරෙකු දශ්ට කල විට :-

ඉදුනු රබ්බඩපුවක් ලෙලි ඉස්ස්ම හෝ ඉදුනු තල් ඉස්ස්ම ගාන්න.

ඕනෑම විෂකට:-

කරපිංච යුෂ පානය කරන්න.

බලල් විෂට:-

මුරුංගා දළු,කීකිරිඳිය කොළ,විටට කන හුනු ටිකක් සමඟ අඹරා ගාන්න.කුප්පමේනියා මුල් පැනියෙන් ගලගා තුවාලයේ තියන්න.

හිස් හොරි වලට:-

කුඹුක් කොළ කොටා ,පෙරා නානු ගා පැය භාගයකින් පසු ස්නානය කරන්න.

වමනයට:-

පැසුනු අමු කෙසෙල් ගෙඩි මිරිකා බීමට ගන්න.

අතීසාරයට:-

අළු කෙසෙල් මුව උණු අළු පල්ලේ තම්බා,යුෂ මී පැනි සමඟ බොන්න.

බඩගිනි ඇති වීමට:-

අමු කෙසෙල් වියලා,ගිතෙලෙන් බැද ඉංගුරු,ගම්මිරිස්,තිප්පිලි කුඩු,සමඟ බොන්න.අනු පානයට කිරි බන්න.